Aıjan Esmaǵambetova: Jumys berýshilerge PTR anyqtama suraýdy mindettemeımiz

NUR-SULTAN. QazAqparat – QR Bas memlekettik sanıtar dárigeri Aıjan Esmaǵambetova jumys berýshilerge PTR testileý nátıjesin aparý talaby týraly aıtty, dep habarlaıdy QazAqparat tilshisi.
None
None

«Qazir kóptegen jumys berýshiler keńsege oralǵan qyzmetkerlerden PTR anyqtamasyn surap jatyr. Biz mundaı talapty mindettegen joqpyz, mindettemeımiz. Tipti, keńes bermeımiz dep aıta alamyn. Óıtkeni, PTR anyqtamasy búgin teris bolýy múmkin, biraq adamnyń ózi vırýs juqtyryp, endi tarala bastaýy ábden múmkin», - dedi bas sanıtarlyq dáriger onlaın brıfıngte.

Onyń aıtýynsha, jumys berýshilerdiń talaby eńbek zańnamasy aıasynda qarastyrylady.

«Eger jumys berýshi men jumysshy arasynda testileýden ótý týraly ýaǵdalastyq bolsa, bul eńbek zańnamasy aıasynda sheshilýi kerek. Biraq, biz jumysqa oralǵandarǵa mindetti testileýden ótý talabyn qoıyp otyrǵan joqpyz», - dedi A. Esmaǵambetova.

Sonymen birge, spıker PTR testileýden tegin ótetinder sanatyn aıtyp berdi.

«Aýrý oqıǵasy tirkelgen jerde únemi epıdemıologııalyq tekserý jumystary júrgiziledi. Tekserý aıasynda baılanysta bolǵandar tizimi qurylady. Meniń qaýlyma sáıkes, jaqyn jáne yqımal baılanysta bolǵan adamdar testileýden tegin ótýi tıis», - dedi A. Esmaǵambetova.



Сейчас читают