Aıjan Esmaǵambetova vaktsına alyp keıin koronavırýs juqtyrǵandar týraly aıtty
«Barlyǵy 4,8 mıllıon vaktsına saldyrǵan adamdardyń 0,06% koronavırýs juqtyrǵan. Naqty sandarmen aıtsaq, isterdiń jalpy sany – 3165 naýqas tirkelgen. Onyń ishinde birinshi komponentten keıin – 1684, ekinshi komponentten keıin-1481 adam aýyrǵan. Vaktsınalar boıynsha, «Spýtnık V» vaktsınasynan keıin – 2791, Hayat Vax – 293, CoronaVac – 18, QazVac – 59 adam aýyrǵan. Mundaı az kórsetkishtiń bolýy da vaktsınanyń tıimdiligin kórsetedi», - dedi A. Esmaǵambetova Ortalyq kommýnıkatsııalar qyzmetinde ótken brıfıngte.
Sonymen birge, spıker Pavlodar oblysynda koronavırýstan qaıtys bolǵan áıeldiń ólimi vaktsınamen baılanysty emestigin aıtty.
«Shynynda da mundaı jaǵdaı bar, biraq bul jaǵdaı vaktsınalaýmen baılanysty emes. Ol maýsym aıynyń sońynda birinshi komponentti saldyrǵan, ókinishke oraı, vaktsına alǵan soń eki aptadan keıin kóz jumdy. Patologııalyq-anatomııalyq ashý nátıjeleri boıynsha, oǵan kardıomıopatııa dıagnozy qoıylǵan. Demek, bul vaktsınalaýmen baılanysty emes, ásirese osynsha ýaqyttan keıin vaktsınalaý áseri bolmaıdy», - dep túsindirdi A. Esmaǵambetova.
