Aıjan Esmaǵambetova koronavırýsty aldyn alý jónindegi qaýlyǵa qol qoıdy

NUR-SULTAN. QazAqparat – QR Bas memlekettik sanıtarııalyq dárigeri Qazaqstan Respýblıkasynda koronavırýs ınfektsııasynyń aldyn alý sharalary týraly qaýlyǵa qol qoıdy, dep habarlaıdy QazAqparat.

Qujatqa sáıkes:

- barlyq densaýlyq saqtaý uıymdarynda COVID-19 klınıkalyq belgileri bar patsıent anyqtalǵan jaǵdaıda ony oqshaýlaý úshin kórsetiletin medıtsınalyq kómektiń ereksheligin eskere otyryp, úı-jaılar bólinedi;

- barlyq medıtsınalyq uıymdarda qyzmetkerlerdiń, kelýshilerdiń, patsıentterdiń maska kıip júrýi talap etiledi;

- barlyq bosandyrý jáne balalar medıtsınalyq uıymdarynda JRVI, tumaý, koronavırýs ınfektsııasy belgileri bar júkti áıelder, bosanatyn, bosanǵan áıelder jáne balalar jatqyzylatyn mamandandyrylǵan bólimshe uıymdastyrylady;

- bosandyrý jáne balalar medıtsınalyq uıymdaryna COVID-19 klınıkalyq belgileri bar júkti áıelder, balalar shuǵyl júgingen kezde medıtsına qyzmetkerleriniń, basqa júkti áıelder men balalardyń qaýipsizdigin qamtamasyz etý úshin beıindi mamandardyń medıtsınalyq kómek kórsetýi úshin olar mamandandyrylǵan bólimshelerge jatqyzylady;

- COVID-19-ǵa zerthanalyq tekserý júrgiziledi;

- ınfektsııalyq jáne basqa da medıtsınalyq uıymdarda epıdemııaǵa qarsy talaptardyń saqtalýy mindetti;

- qyzmetteri COVID-19-ǵa kúdikti naýqastardy qarap-tekserýmen, tasymaldaýmen, oshaqtaǵy jumyspen, emdeýge jatqyzýmen, emdeýmen jáne olardy kútýmen baılanysty medıtsına qyzmetkerleri men personaldyń tıisti jeke qorǵanysh quraldaryn paıdalanýyna baqylaý júrgiziledi;

- densaýlyq saqtaý uıymdary úshin SOVID-19 epıdemıologııasy, klınıkalyq kórinisteri, dıagnostıkasy, epıdemıologııalyq jáne bıologııalyq qaýipsizdik qaǵıdalary, standartty operatsııalyq rásimderdi (SOR) oryndaý jóninde semınarlar uıymdastyrylyp, ótkiziledi;

- COVID-19 kezinde epıdemııaǵa qarsy is-sharalardy júrgizý boıynsha óńirdiń medıtsınalyq uıymdarynyń barlyq qyzmetkerlerin tolyq qamtı otyryp, jeke qorǵanysh quraldaryn paıdalaný jóninde nusqama júrgiziledi.

Sondaı-aq ár azamat úıde medıtsınalyq baqylaý júrgizýdi jáne úı karantıni talaptarynyń saqtalýyna mán berýi qajet.