Aıjan Esmaǵambetova: Koronavırýs juqtyrǵandarmen baılanysta bolǵan 49 myń adam anyqtaldy

NUR-SULTAN. QazAqparat – Koronavırýs juqtyrǵandarmen baılanysta bolǵan 49 myń adam anyqtaldy. Bul týraly Qazaqstannyń bas memlekettik sanıtar dárigeri Aıjan Esmaǵambetova málim etti, dep habarlaıdy QazAqparat tilshisi.

«Búginde koronavırýs juqtyrǵan adamdar sany 3078-ge jetti. 774 adam emdelip shyqty. Monıtorıngtik sharalarmen indetke shaldyqqandarmen baılanysta bolǵan 49 myń adam qamtyldy», - dedi Aıjan Esmaǵambetova onlaın rejımde ótken baspasóz máslıhatynda.

Onyń sózine qaraǵanda, koronavırýs juqtyrǵandardyń 70 paıyzynda aýrý belgileri asa bilinbeı ótedi, al 20 paıyzynda aýyrlyǵy orta dárejeli deńgeıde bolady.

Budan buryn habarlanǵandaı, Aıjan Esmaǵambetova mamyrdyń sońynda elimizde koronavırýs juqtyrǵandar sany 5,3 myńǵa jetýi múmkin ekenin aıtty.