Aıjan Esmaǵambetova Qazaqstannyń bas sanıtar dárigeri qyzmetinen bosatyldy
ASTANA. KAZINFORM — Qazaqstan Respýblıkasy Úkimetiniń qaýlysymen Aıjan Serikbaıqyzy Esmaǵambetova basqa jumysqa aýysýyna baılanysty QR densaýlyq saqtaý vıtse-mınıstri — QR Bas memlekettik sanıtar dárigeri qyzmetinen bosatyldy. Bul týraly Úkimettiń baspasóz qyzmeti habarlady.
Aıjan Serikbaıqyzy 1972 jylǵy 5 sáýirde Almaty oblysynda dúnıege kelgen.
1997 jyly Qazaq memlekettik medıtsına ýnıversıtetiniń «Sanıtarııa, gıgena, epıdemıologııa» mamandyǵy boıynsha sanıtarlyq-gıgıenalyq fakýltetin úzdik bitirdi.
2021 jyly «QDSJM» Qazaqstandyq medıtsına ýnıversıtetin bitirip, densaýlyq saqtaý magıstri dárejesin alǵan, Almaty management university Іskershilik ákimshilendirý magıstri dárejesin bitirgen.
Eńbek jolyn 1997 jyly bastady, respýblıkalyq sanıtarııalyq-epıdemıologııalyq stantsııanyń asa qaýipti ınfektsııalar bóliminde dáriger-epıdemıolog, dáriger-bakterıolog bolyp jumys istedi.
2002 jyldan bastap asa qaýipti ınfektsııalar bólimi zerthanasynyń meńgerýshisi bolyp taǵaıyndaldy.
2004 jylǵy qyrkúıekten bastap mınıstrliktiń memlekettik sanıtarlyq-epıdemıologııalyq qadaǵalaý komıtetiniń sanıtarııalyq-gıgıenalyq baqylaý bóliminiń jetekshi mamany;
2005 jylǵy mamyrdan bastap mınıstrliktiń memlekettik sanıtarlyq-epıdemıologııalyq qadaǵalaý komıtetiniń sanıtarlyq-gıgıenalyq baqylaý bóliminiń bas mamany;
2008 jylǵy maýsymnan 2010 jylǵy qańtarǵa deıin mınıstrliktiń memlekettik sanıtarlyq-epıdemıologııalyq qadaǵalaý komıtetiniń uıymdastyrý-quqyqtyq jáne kadr jumysy basqarmasynyń sarapshysy, bas sarapshysy, bastyǵy;
2010 jylǵy qańtardan 2013 jylǵy tamyzǵa deıin mınıstrliktiń memlekettik sanıtarlyq-epıdemıologııalyq qadaǵalaý komıteti tóraǵasynyń orynbasary — Qazaqstan Respýblıkasynyń Bas memlekettik sanıtarııa dárigeriniń orynbasary;
2013 jylǵy tamyzdan bastap mınıstrliktiń memlekettik sanıtarlyq-epıdemıologııalyq qadaǵalaý komıtetiniń tóraǵasy — Qazaqstan Respýblıkasynyń Bas memlekettik sanıtarııa árigeri;
2014 jylǵy naýryzdan bastap Qazaqstan Respýblıkasy tutynýshylar quqyǵyn qorǵaý agenttigi epıdemıologııalyq qadaǵalaý departamentiniń dırektory — Bas memlekettik sanıtarııalyq dárigerdiń orynbasary;
2014 jylǵy qazannan 2017 jylǵy naýryzǵa deıin Qazaqstan Respýblıkasy Ulttyq ekonomıka mınıstrligi tutynýshy quqyǵyn qorǵaý komıtetiniń epıdemıologııalyq qadaǵalaý basqarmasynyń basshysy;
2017 jylǵy naýryzdan bastap mınıstrliktiń strategııalyq damý jáne qoǵamdyq densaýlyq saqtaý departamentiniń dırektory;
2017 jylǵy qarashadan bastap mınıstrliktiń qoǵamdyq densaýlyq saqtaý saıasaty departamentiniń dırektory bolyp jumys istedi;
2020 jylǵy maýsym-qazan aralyǵynda mınıstrliktiń taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary laýazymynda jumys istedi.
2020 jylǵy qazannan bastap 2022 jylǵy aqpanǵa deıin mınıstrliktiń sanıtarııalyq-epıdemıologııalyq baqylaý komıtetiniń tóraǵasy laýazymyn atqardy.
2022 jylǵy 14 aqpannan bastap Qazaqstan Respýblıkasynyń Densaýlyq saqtaý vıtse-mınıstri — Qazaqstan Respýblıkasynyń Bas memlekettik sanıtarııa dárigeri laýazymyna taǵaıyndaldy.
A. S. Esmaǵambetovanyń «Áleýmettik gıgıena jáne densaýlyq saqtaýdy uıymdastyrý» mamandyǵy boıynsha joǵary biliktilik sanaty bar.
«Densaýlyq saqtaý isiniń úzdigi» tósbelgisimen, «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Táýelsizdigine 25 jyl» mereıtoılyq medaldarymen, «Eren eńbegi úshin» memlekettik nagradasymen jáne «Halyq alǵysy» medalimen, QR Prezıdentiniń Qurmet gramotasymen jáne QR Premer-Mınıstriniń Alǵys hatymen marapattalǵan.
Eske sala keteıik, keshe Ardaq Amangeldıev QR Densaýlyq saqtaý vıtse-mınıstri bolyp taǵaıyndalǵan edi.
