Aıjan Esmaǵambetova basseınder men jaǵajaılarǵa qatysty talaptardy aıtty

NUR-SULTAN. QazAqparat – Sporttyq nysandar tek jattyǵý sharalary úshin ashylady. Bul týraly QR Bas memlekettik sanıtar dárigeri Aıjan Esmaǵambetova málim etti, dep habarlaıdy QazAqparat tilshisi.

«Adamdar kóptep jınalatyn oıyn-saýyq, mádenı-buqaralyq sharalardy ótkizýge tyıym salynǵan. Sebebi qazirgi kezdegi indetke shaldyǵýdyń deńgeıi shekteýlerdi tolyqtaı alyp tastaýǵa múmkindik bermeı tur», - dedi A. Esmaǵambetova onlaın baspasóz máslıhatynda.

Onyń sózine qaraǵanda, basseınderdi ashýǵa da tıisti talaptar qarastyrylǵan.

«Búginde basseındegi árbir adamda 5 sharshy metrden kem emes aýmaq bolýy tıis. Bul óz kezeginde adamdardyń arasyndaǵy araqashyqtyqty qamtamasyz etedi. Basseın aýmaǵyna qaraı oǵan baratyn adamdar sany retteledi», - dedi ol.

«Akvaparkterde jáne jaǵajaıda araqashyqtyqty saqtaý aıtarlyqtaı qıyndaý ekenin túsinemiz. Alaıda, shezlongtar, kez kelgen jaǵajaı jabdyqtary demalýshylar arasynda 1,5 metrlik araqashyqtyqty saqtap ornalastyrylýy týraly talaptardy qoıamyz. Sondyqtan jaǵajaıdyń aýmaǵyn eskere otyryp, oǵan jiberiletin adamdardyń sany nazarǵa alynady, ıaǵnı olardyń sany turaqty baqylaýda bolady», - dedi A. Esmaǵambetova.