Aıjan Esmaǵambetova astan ýlanýdyń aldyn alý erejelerin eske saldy
ASTANA. QazAqparat – QR Densaýlyq saqtaý vıtse-mınıstri, memlekettik bas sanıtar dárigeri Aıjan Esmaǵambetova mereke qarsańynda qazaqstandyqtardy astan ýlanýdyń aldyn alý erejelerin saqtaýǵa shaqyrdy, dep habarlaıdy QazAqparat tilshisi.
«Jańa jyl merekesi qarsańynda tamaqtan ýlanýdan saqtanyp, aldyn alýdy suraımyn. Aıtarym, ruqsat etilmegen saýda oryndardan azyq-túlik jáne tamaq ónimderin satyp almańyz, daıyn taǵamdy uzaq saqtamańyz. Azyq-túlik jáne taǵam ónimderiniń jaramdylyq merzimine asa mán bergen jón. Azyq-túlik pen daıyn taǵamdardy polıetılen, qaǵaz paket pen azyq-túlik konteınerlerinde saqtaǵan durys. Taǵam daıyndaýdyń temperatýralyq rejımine mán berińiz, ásirese, et, balyq, teńiz ónimderi men jumyrtqany paıdalanǵanda», - dep keńes berdi Aıjan Esmaǵambetova OKQ-de ótken brıfıngide.
Sondaı-aq vıtse-mınıstr jeke gıgıena qaýipsizdigin umytpaý kerektigin eske saldy.
Buǵan deıin mınıstr orynbasary koronavırýstyń taralý jaǵdaıyna toqtalǵan edi. Elimizde jeltoqsan aıynda qarashamen salystyrǵanda koronavırýs juqtyrý 2,3 ese artqan.
Foto: ortcom.kz