Aızat Jumanovanyń ólimi: Aıbar Janbolat 14 jylǵa sottaldy

ASTANA. KAZINFORM –  Aıyptalýshy sot úkimimen marqumnyń otbasyna moraldyq zııan úshin 20 mıllıon teńge ótemaqy tóleýge mindetteldi.

Buǵan deıin memlekettik aıyptaýshy sottan Aıbar Janbolatqa ortasha qaýipsizdik deńgeıindegi qylmystyq-atqarý mekemesinde jazasyn óteı otyryp, 15 jylǵa bas bostandyǵynan aıyrýdy suraǵan. 

Sonymen qatar bultartpaý sharasy retinde qamaýda ustaýdy ózgerissiz qaldyrýdy talap etken.

Aıyptaýshy tarap jábirlenýshilerdiń paıdasyna Qylmystyq kodekstiń 98-babynyń 2-bóligine sáıkes 30 AEK kóleminde ótemaqy óndirýdi de usynǵan.

Sot otyrystarynyń birinde prokýror qaıǵyly oqıǵa bolǵan kúni tergeý áreketterine qatysqan anyqtaýshy Dáýlet Káripjanovty qosymsha kýáger retinde jaýapqa shaqyrý jóninde ótinish bildirdi.

Qaıǵyly jaǵdaı 2025 jylǵy maýsymnyń 21-inen 22-ne qaraǵan túni Almaty oblysynyń Aqsý aýdanyna qarasty Balasaz aýylynda bolǵan. Otbasylyq janjal kezinde kúıeýiniń qol jumsaýynan Aızat Jumanova qaza tapqan.