Aızat Moldaqasymova nege qyzmetinen áli ketpedi - Bekshın jaýap berdi
ALMATY. QazAqparat – Almatynyń bas sanıtar dárigeri Jandarbek Bekshın Almatyǵa qalaı aýysyp kelgenin aıtyp berdi, dep habarlaıdy QazAqparat tilshisi.
«Birinshiden, sanıtar dárigerler men epıdemıologtar – sarbazdar. Kezinde bul jartylaı áskerı nysan bolatyn. Men Almatyǵa deıin Qyzylorda, Atyraý, Mańǵystaý oblystarynda júıelik baqylaý máselelerin rettep júrgen edim. Almatyǵa ushý kerek degende 40 mınýtta jınalyp, sanıtarlyq bortpen ushyp shyqtym. Sebebi, sol jaqqa gýmanıtarlyq júk jiberip jatqanbyz. Sodan beri Almaty qalasynyń bas sanıtar dárigerimin», - dedi ol.
Onyń aıtýynsha, qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymova densaýlyǵyna baılanysty demalys alǵan.
«Qazir departament basshysy Aızat Moldaqasymova úı karantıninde demalysta bolǵan soń men jumys istep jatyrmyn. Meniń budan arǵy taǵdyrymdy QR DSM sheshedi. Biz – epıdemıologtar, qaıda bar dese sonda baryp jumys isteımiz», - dedi ol.
Bekshın óziniń QR DSM taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary jáne Almatynyń bas sanıtar dárigeri ekendigin aıtty.
«Ol densaýlyǵyna baılanysty demalysta bolǵandyqtan mınıstrlik QR Eńbek kodekesine sáıkes eńbek qatynasyn sheshe almaı otyr», - dedi Bekshın.
Jandarbek Bekshın Almatynyń bas sanıtar dárigeri qyzmetine 18 sáýirde taǵaıyndalǵan bolatyn.
