Aıyrtaýda jolaýshylar avtobýsy órtke orandy
ASTANA. QazAqparat - Soltústik Qazaqstan oblysynda jolaýshylar avtobýsy túgi qalmaı janyp ketti, dep habarlaıdy QazAqparat tilshisi QR ІІM Tótenshe jaǵdaılar komıtetine silteme jasap.
«21 shilde kúni saǵat 12:13-te Soltústik Qazaqstan oblysy Aıyrtaý aýdanynda «Kókshetaý-Rýzaevka» avtojolynyń 64 shaqyrymynda «Avrora» KAVZ markaly reıstik avtobýsy órtendi. Avtobýstyń qozǵaltqysh bóliginde tutanǵan ot salonǵa jetip, órttiń jalpy aýmaǵy 14 sharshy metrdi qurady», - dep habarlady QR ІІM Tótenshe jaǵdaılar komıtetiniń resmı ókili Rýslan Imanqulov.
Saǵat 12:33-te órt aýyzdyqtalyp, 12:28-de tolyǵymen sóndirilgen. Salon ishinde 20 jolaýshy bolǵan jáne olardyń eshqaısysy órtten zardap shekken joq.
«Aldyn ala boljam boıynsha, qozǵaltqysh bóligindegi elektr symdary qysqa tuıyqtalyp, órt tutanǵan bolýy múmkin. Tótenshe jaǵdaıdy joıýǵa órt sóndirý qyzmetiniń sarbazdary men tehnıkasy jumyldyryldy», - dedi Rýslan Imanqulov.
