Aıyrbastaý pýnktterine qatysty tarap jatqan aqparat jalǵan - UB
NUR-SULTAN. QazAqparat – Ulttyq bank áleýmettik jelilerde aıyrbastaý pýnktterine qatysty tarap jatqan aqparattyń jalǵan ekenin jarııalady, dep habarlaıdy QazAqparat.
«Áleýmettik jeliler men messendjerler arqyly taratylyp jatqan 2020 jyldyń 10 -13 naýryzynda aıyrbastaý pýnktterindegi sheteldik valıýta operatsııalaryna moratorıı jarııalandy degen aqparat shyndyqqa janaspaıdy», - delingen habarlamada.
Baspasóz qyzmetiniń habarlaýynsha, jeliler arqyly taratylyp jatqan qujatta Ulttyq bank tóraǵasynyń qoly men bank móri, nómeri joq. Ulttyq banktiń resmı blankisiniń úlgisi basqa.