Aıyrbas beketterinde shetel valıýtasy jetkilikti - Danııar Aqyshev

ASTANA. QazAqparat - Teńge baǵamynyń nyǵaıý áleýeti joǵary. Bul týraly QR Ulttyq bankiniń tóraǵasy Danııar Aqyshev málim etti, dep habarlaıdy QazAqparat.

«Aıyrbas beketterinde shetel valıýtasy jetkilikti. Eshqandaı da dúrbeleń joq. Valıýta aıyrbastaý beketterinde qyzmet kórsetilmeı jatyr degen shaǵymdar túsken joq. Valıýta men teńge jetkilikti. Teńge álsireýmen qatar, nyǵaıatyny belgili. Munaıdyń joǵary baǵasy men basqa da jaǵdaılar teńgeniń nyǵaıýynyń áleýeti aıtarlyqtaı joǵary ekenin ańǵartyp otyr», - dedi UB basshysy Májilistiń jalpy otrysynan keıin jýrnalısterge.

Danııar Aqyshevtyń sózine qaraǵanda, qazirgi kezde teńge baǵamy jyl basyndaǵy deńgeıge jaqyndady.

Budan buryn habarlanǵanymyzdaı, Ulttyq bankiniń tóraǵasy dollarǵa shaqqanda teńge baǵamynyń ózgerýine qatysty túsinik berdi.

foto:7kun.kz