Aıyptaýshy tarap Rıdderdegi jol apatyna sebepkerdiń jazasyn kúsheıtýdi talap etti
ÓSKEMEN. QazAqparat - Aıyptaýshy tarap mas kúıinde kólik aıdap, 19 jastaǵy jigitti mert etken Rıdder qalasy ákiminiń eks-orynbasary Baýyrjan Qurmanbaevtyń jazasyn kúsheıtýdi talap etti. Bul týraly baspasóz máslıhaty barysynda aıtyldy, dep habarlaıdy QazAqparat.
Qylmystyq ister boıynsha sot alqasynyń tóraǵasy mindetin atqarýshy Qaırat Chakpantaevtyń aıtýynsha, oblystyq sot alqasyna apellıatsııalyq shaǵym kelip túsken.
«Jábirlenýshi kelgen shyǵynnyń ótelgenin aıtyp, qylmystyq istiń toqtatylýyn surasa da, aıyptaýshylar jazany uzartýdy talap etip otyr»,-deıdi Qaırat Chakpantaev.
Eske sala keteıik, 15 sáýir kúni Rıdder qalasy ákiminiń orynbasary Baýyrjan Qurmanbaev 19 jastaǵy Evgenıı Smolnıkovty qaǵyp, jigit alǵan jaraqatynan kóz jumǵan bolatyn. Keıin onymen birge kólik ishinde Óskemen qalasynyń ákimi Qýat Tumabaevtyń bolǵany jáne eks-orynbasardyń rólge mas kúıinde otyrǵany belgili boldy.
Sot sheshimimen B. Qurmanbaev 1 jylǵa bas bostandyǵynan aıyrylyp, 5 jylǵa kólik júrgizý quqyǵynan shettetilgen edi.
