Aıyptalyp otyrǵan qyrǵyzstandyq «Alfa» qyzmetkerleri jumystaryn jalǵastyryp, arnaıy operatsııalarǵa qatysýda
BІShKEK. 14 aqpan. QazAqparat /Arnur Rahymbekov/ - Bishkekte Qyrǵyzstan Respýblıkasynyń Prezıdenti Roza Otynbaevanyń qatysýymen Bas prokýratýranyń alqa otyrysy bolyp ótti.
Otyrys barysynda baqylaý organynyń byltyrǵy jylǵy atqarǵan qyzmeti talqylandy.
Roza Otynbaeva Bas prokýratýranyń qyzmetin qatty synǵa aldy. Atap aıqanda, Respýblıka Prezıdenti byltyrǵy jyldyń sáýir aıynda bolǵan oqıǵalardy tergeý týraly máseleni kóterdi. «Biz qazir byltyrǵy jyldyń jetinshi sáýirinde bolǵan isti japqan joqpyz, ony tergeý jalǵasýda. Jáne de negizgi kináliler tabylǵan joq: qashyp ketken, shet el asyp ketken. Bul faktiler qoǵamdy qatty qobaljytady. Jaqyn arada narazy bolyp otyrǵan halyq «87 adam ne úshin qaza tapty? Kim buıryq berdi? Ol jastar ne úshin kóz jumdy?» degen saýal qoıady», - dedi R.Otynbaeva.
Prezıdent sondaı-aq Qyrǵyzstan ishinde jańǵyryq týdyrǵan «Alfa» arnaıy bólimshe jaýyngerlerin kinálaýǵa qatysty sot úderisine de toqtaldy. Olarǵa burynǵy prezıdent Q.Bákıevtiń jaǵynda sáýir oqıǵalaryna qatysty degen aıyp taǵylýda. Qorǵaýshylar aıyptalyp otyrǵan jaýyngerler óz basshylyǵynyń buıryǵyn oryndaýǵa májbúr boldy dep málimdeýde.
Sonymen qatar qazir aıyp taǵylyp otyrǵan «Alfa» jaýyngerleri bilikti mamandardyń tapshylyǵyna bola Qyrǵyzstan Respýblıkasyndaǵy ártúrli arnaıy operatsııalarǵa qatysyp, qyzmetterin jalǵastyrýda.
Qyrǵyzstan Prezıdenti «Alfa» bólimshesine qatysty isti júrgizip otyrǵan prokýrordy jaýapqa tartýdy tapsyrdy.
