Aıyptalýshylarǵa qatysty elektrondy qurylǵylardy paıdalaný tásilderin Qazaqstan ǵalymdary 10 jyl buryn usynǵan edi - I. Rogov
ASTANA. Qazannyń 20-sy. QazAqparat /Rýslan Ǵabbasov/ - Aıyptalýshylar men kúdiktilerdiń bostandyǵyn shekteýdiń basqasha túrlerin qoldaný ádisteri Qazaqstan ǵalymdary tarapynan 10 jyl buryn usynylǵan bolatyn.
Bul týraly búgin Parlament Senatyndaǵy «Sottyń qamaýǵa alý sanktsııasy: zańnamany jáne quqyq qoldaný tájirıbesin jetildirý» halyqaralyq konferentsııasynda QR Konstıtýtsııalyq Keńesiniń tóraǵasy Igor Rogov aıtty.
«Bizdiń kórshi elderimiz aıyptalýshyny baqylaý turǵysynda elektrondy bilezikter men basqa da elektrondy qurylǵylardy engizý áreketterin jarııalap otyr. Atap aıtqanda, 10 jyl buryn bizdiń ǵalymdar osy ıdeıany birneshe márte usynǵan bolatyn»,-dep atap ótti I. Rogov.
Osy oraıda ol ótken jyly Elbasy bekitken respýblıkanyń quqyqtyq saıasaty tujyrymdamasynda qylmystyq-protsessýaldyq quqyqty jetildirýdiń negizgi baǵyttarynyń biri retinde qamaýǵa alýdyń balama túrlerin qoldaný aıasyn keńeıtý sharalary belgilengenin eske salyp ótti.
