Aıyppuldardy zańsyz esepten shyǵarǵan polıtseılerdiń isi sotqa jetti

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń asa mańyzdy isi boıynsha tergeýshisi Danııar Begaıdarov tórt jyl boıy aıyppuldardy zańsyz óshirip kelgen polıtseılerdiń isi týraly málimet berdi, dep habarlaıdy QazAqparat tilshisi.

«Almaty qalasy boıynsha sybaılas jemqorlyqqa qarsy qyzmet ókilderi jergilikti polıtsııa departamentiniń qyzmetkerlerine qatysty qylmystyq isti aıaqtady. Tergeý kórsetkendeı, polıtsııa qyzmetkerleri 2016 jyldan bastap, buryn sotty bolǵan azamatty deldal retinde tartý arqyly uıymdasqan qylmystyq toptyń jumysyn úılestirip otyrǵan. Olar 2020 jyly áshkere bolǵanǵa deıin bul áreketterin jalǵastyryp kelgen. Osylaısha uıymdasqan ókilderi laýazymdyq ókilettikterin paıdalanyp, jol qozǵalysy erejelerin buzýǵa baılanysty týyndaǵan azamattardyń ákimshilik aıyppuldaryn esepten shyǵaryp otyrǵan» - dedi asa mańyzdy ister jónindegi tergeýshi.

Onyń málimetinshe, atalǵan qylmystyq áreketterden memleketke 247 mln teńgeden astam asa shyǵyn kelgen.

«Qazirgi ýaqytta aıyptalýshylar tıisti bultartpaý sharalary qabyldanyp, Almaty qalasynyń qylmystyq ister jónindegi mamandandyrylǵan aýdanaralyq sotyna berildi. Túpkilikti sheshimdi sot qabyldaıdy», - dedi Danııar Begaıdarov.