Aıyppul túrindegi ákimshilik jaza sottardan ókiletti memlekettik organdarǵa beriledi
ASTANA. 25 qarasha. QazAqparat - Aıyppul túrindegi ákimshilik jaza sottardan ókiletti memlekettik organdarǵa beriledi. Bul týraly búgin Parlament Májilisinde jańa redaktsııadaǵy Ákimshilik quqyq buzýshylyq týraly kodekstiń tanystyrylymy barysynda málim boldy.
Ádilet vıtse-mınıstri Záýresh Baımoldınanyń aıtýynsha, jańa kodeks jobasynda sottarǵa júktemeni azaıtý sharalary da qamtylyp otyr. «Osy maqsatta ákimshilik quqyq buzýshylyq týraly isterdi qarastyrýǵa ókiletti organdar men sottardyń quzyreti qaıta qaralatyn bolady. Memlekettik organdarǵa aıyppul túrindegi ákimshilik jazalar taǵaıyndaý qarastyrylǵan 143-bap tolyǵymen nemese ishinara jatqyzylatyn bolady», - deıdi vıtse-mınıstr. Onyń aıtýynsha, sottar quzyretine birqatar ákimshilik jazalar qarastyrylǵan ákimshilik quqyq buzýshylyq isteri qalady. Atap aıtqanda, sheteldikter men azamattyǵy joq tulǵalardy Qazaqstannyń aýmaǵynan ákimshilik shyǵarý, ákimshilik quqyq buzýshylyq jasalǵan zat nemese buıymdy tárkileý, áleýmettik quqyqtan aıyrý, lıtsenzııadan, arnaıy ruqsattan, biliktilik attestatynan, jekelegen qyzmet túrlerinen aıyrý nemese jekelegen qyzmet túrlerine tyıym salý men toqtatý sharalary jatady.
