Aıyppul tólemegenderdiń kóligi aıyp turaǵyna qoıylady
ALMATY. QazAqparat - Almatyda aıyppul tólemegen júrgizýshilerdiń kóligi aıyp turaǵyna qoıylatyn boldy, dep habarlaıdy QazAqparat tilshisi qalalyq Polıtsııa departamentiniń baspasóz qyzmetine silteme jasap.
«Qazir polıtsııa ákimshilik aıyppul tóleýden jaltarǵandardy anyqtaýmen aınalysyp jatyr. Ákimshilik aıyppuldaryn tólemegen júrgizýshilerdiń kólikterin aıyp turaǵyna jiberiledi. Kólik ıesi aıyppulyn tolyq ótegende ǵana avtokóligin qaıtara alady», - dedi qalalyq Polıtsııa departamenti basqarma basshysynyń orynbasary Erkin Ótegenov.
Osyǵan baılanysty polıtsııa avtokólik ıelerin ákimshilik aıyppuldardy ýaqtyly tóleýge shaqyrady.
Aıta keteıik, qalada «Boryshker» jedel aldyn alý sharasy júrip jatyr. Bul shara aıyppuly bar júrgizýshilerdi anyqtaýǵa, ákimshilik aıyppuldardy óndirýge baǵyttalǵan.
