Aıyppul salmaǵan polıtseı jumystan shyǵaryldy
ALMATY. QazAqparat - Almatyda jol- patrýldik polıtsııasynyń qyzmetkeri jol erejesin buzǵan áıelge ákimshilik hattama toltyrmaǵany úshin jumysynan qýyldy, dep habarlaıdy QazAqparat tilshisi.
Almaty qalalyq ІІD baspasóz qyzmetiniń habarlaýynsha, arnaıy tekserý kezinde ákimshilik polıtsııa basqarmasynyń jol-parýldik polıtsııasy qyzmetiniń ınspektory Shevchenko men Qonaev kósheleriniń qıylysynda zańsyz jerge kólik qoıǵan áıelge aıyppul salmaǵanyn anyqtady.
Qyzmettik tekserý barysynda júrgizýshiden jaýap alyndy. Onyń jaýaby ınspektordyń qyzmettik vıdeoregıstratoryndaǵy beınejazbamen rastaldy.
«ІІD tártiptik keńesiniń sheshimimen polıtsııa qyzmetkeri QR Іshki ister organdarynan shettetildi. Ol qyzmettik mindetin durys atqarmaǵan. Jeke qurammen tıisti jumys júrgizbegeni úshin atalǵan vzvod komandıri qyzmetinen bosatyldy. Polıtsııa qyzmetkeriniń eki jetekshisine qatań sógis jarııalandy», - dedi baspasóz qyzmetinen.
Sonymen qatar, qalalyq ІІD polıtseıler tarapynan zańbuzýshylyq deregin baıqaǵan jaǵdaıda qaýipsizdik basqarmasynyń 254-43-83senim telefonyna habarlasýyn suraıdy.
