Aıyp tólemeýshilerdi anyqtaýǵa arnalǵan reıd ótkizildi
ASTANA. 20 mamyr. QazAqparat - Astana qalasy ІІD jol polıtsııasy basqarmasy Sot aktilerin oryndaý jónindegi departamentimen birlese otyryp salynǵan aıyptardy ýaqytynda tólemeıtin jolda júrý erejesin (JJE) buzýshylardyń arasynda reıdtik sharalaryn ótkizdi.
Bul týraly Astana qalasy ІІD JPB baspasóz qyzmeti taratqan málimette aıtylǵan.
QR ÁQBtK 708 babyna sáıkes JJE buzý faktisi boıynsha qaýlyny óz erkimen oryndaý ýaqytynyń 30 kúndik merzimi ótýine baılanysty júrgizýshige qatysty aıypty májbúrlep tóletý týraly qaýly shyǵarylyp, aıypty tólegenshe múlkine tutqyn salynady.
2011 jyldyń tórt aılyq qorytyndysy boıynsha Astana qalasynyń Jol polıtsııasy basqarmasynan Astana qalasynyń Sot aktilerin oryndaý jónindegi departamentine JJE buzýshylyǵymen ákimshilik aıyptardy májbúrlep óndirý jónindegi 11 myń qaýlysy, 65 mıllıon teńgeden artyq somasyna kelip túsken. Onyń ishinde 3798 qaýly boıynsha 21 mıllıon teńge óndirilgen.
Jalpy osy jyldyń tórt aıy úshin JPB ınspektorlarymen jol qozǵalysy qaýipsizdigin qamtamasyz etý kezinde 68135 ákimshilik quqyq buzýshylyǵy anyqtaldy. Shamamen 64 myńǵa jýyq kólik júrgizýshisi 413 mıllıon teńgeden artyq aıyppul óndirildi, onyń 156 mıllıon teńgeden artyǵy memleket kirisine óndirildi. Osy sandardan kórinip turǵandaı, kópshilik quqyq buzýshylar óz erkimen salynǵan aıypty tóleýge asyqpaýda. Osyǵan baılanysty tártip saqshylary turǵylyqty mekenderi jáne selqos júrgizýshilerdiń jumys oryndary boıynsha jappaı tekseris júrgizýde, sondaı-aq, elordamyzǵa kirý jáne shyǵý kezeńderinde olar túgeldeı tekseriledi.
Sonymen qatar QR ÁQBtK 524 babyna sáıkes óz erkimen jáne óz kúshimen aıypty tóleýden jaltarǵan júrgizýshilerge qatysty jol polıtseıleri tek aıyp sharalaryn ǵana qoldanbaıdy, sondaı-aq, on táýlikke deıin ákimshilik qamaý sharalary qoldanylatyn bolady. Osyǵan oraı, kólik quraly salynǵan aıypty tólemeıinshe, arnaıy kommýnaldyq kólik turaǵyna qoıylatyn bolady.
Sondaı-aq, jınaqtalǵan "qaryz" ıesi, jol polıtsııasy basqarmasynyń tirkeý-emtıhan alý bóliminde eshqandaı operatsııa júrgize almaıtyn jáne kólik quralyn memlekettik tehnıkalyq baıqaýdan ótkize almaıtyn bolady.
Taldaý kórsetkendeı, osyndaı júrgizilip jatqan keshendik sharalar, apattyq jaǵdaılardyń jáne jol-kólik oqıǵasynyń saldarynda qaza tapqandardyń sanyn anaǵurlym tómendetýge zor yqpal etýde. Sońǵy 5 jyldyń ishinde jol-kólik oqıǵalary men onyń saldarynan qaza tapqandardyń sanyn eki esege tómendetýge múmkindik berdi. Eger 2006 jyly 651 JKO tirkelip, onda 127 adam qaıtys bolsa, 2010 jyly 370 JKO tirkeldi, onyń ishinde 59 adam qaza tapqan. Bul elordamyzda kún sanap kólik sany (127025-ten 209914-ke deıin 66,3 paıyzǵa) men halyq sany (574400-den 701307-ge deıin 22,1 paıyzǵa) únemi ulǵaýyna qaramastan.
Baspasóz qyzmetiniń habarlaýynsha, birlesip ótkizilgen reıdtiń negizgi maqsaty - júrgizýshilerdiń sanasyna jolda júrý Erejesiniń talaptaryn buzǵany úshin salynǵan aıypty, erte me, álde kesh pe báribir tóleýge májbúr bolatynyn jetkizý.
