Aıymbetov: Ǵaryshta adamzattan basqa tirshilik ıeleri ómir súredi
"Ǵarysh keńistiginde adamzattan ózge tirshilik bary dáleldengen. Biz eksperıment jasaý úshin ǵaryshtan analızder aldyq. Onda tiri bakterııalar tabyldy. Bul ǵaryshty shyndap zertteý kerek ekendiginiń taǵy bir dáleli. Ol biz elestetkendeı qarańǵylyq emes. Onda tiri aǵzalar bar. Mundaı keremetti saqtap qalý úshin qoldan kelgenniń barlyǵyn isteýimiz kerek", - dedi ǵaryshker búgin QR Tuńǵysh Prezıdenti - Ult kóshbasshysy kitapxanasynda oqýshylarmen bolǵan kezdesýinde.
Eske sala keteıik, qazaqstandyq ǵaryshkerdiń Halyqaralyq ǵarysh stansasyna ushyrylýy 2015 jyldyń 2 qyrkúıeginde oryn aldy. Ol «Soıýz TMA-18M» zymyranynyń bort-ınjeneri retinde ushty. Ol ǵaryshta Qazaqstannyń besinshi ǵylymı zertteýlerin júrgizgen bolatyn.
Qazaqstandyqtyń ǵaryshta ótkizgen ýaqyty 9 táýlik, 20 saǵat, 13 mınýt 51 sekýnd.
Ǵarysh keńistigin ıgerýge sińirgen asa zor eńbegi, ǵaryshqa ushý kezinde kórsetken batyrlyǵy men erligi úshin Qazaqstan Respýblıkasynyń ǵaryshkeri Aıdyn Aqanuly Aıymbetovke «Halyq qaharmany» ataǵy berilip, aıryqsha erekshelik belgisi - Altyn Juldyz ben «Otan» ordeni tapsyryldy.
