Aıýmen jekpe-jekke shyqqan ózbekstandyq boksshy aıyppul arqalady
ASTANA. KAZINFORM – Aıýmen jattyǵý jasaǵan ózbekstandyq boksshy Shahram Ǵıesovke 1 mıllıon 125 myń sým (46 myń teńge) aıyppul salyndy. Sportshy mundaı jaǵdaı ekinshi ret qaıtalanbaıtynyn aıtyp, keshirim surady, dep jazady Gazeta.uz.
Boksshy Tashkenttegi Buka Gym sport zalynda aıýmen jekpe-jek ótkizgen. Ekologııa mınıstrligi janýardyń Ferǵana zoobaǵyna tapsyrylǵanyn málimdedi.
Instagram jelisinde mýzykamen jarııalanǵan klıpte basqa adam aıýdy tizgindep ustap turǵany, al sportshy janýardy birneshe ret jyqqany kórsetilgen.
Ekologııa mınıstrligi aıýmen jattyǵý arqyly quqyq buzýshylyq jasaǵan sportshy Shahram Ǵıosovqa qatysty Ákimshilik jaýapkershilik kodeksiniń 111-baby boıynsha ákimshilik hattama toltyrylǵanyn habarlady. Oǵan negizgi somanyń 3 eselengen mólsherinde aıyppul salyndy.
Aıta keteıik, Ózbekstanda jyldamdyqty asyrǵan Olımpıada chempıonyna da aıyppul salyndy.