Aıýmen aıqas: Ańshy da, jyrtqysh ta mert boldy
ASTANA. QazAqparat - Habarovsk ólkesiniń tergeý komıteti ańshynyń ólimi faktisi boıynsha tekseris júrgizýde. Aldyn ala málimetter boıynsha, 67 jastaǵy er adam aıý shabýylynan alǵan jaraqattary saldarynan mert bolǵan.
Bul rette jábirlenýshi óler aldynda aıýdy atyp óltirgen.
Amýrdaǵy Komsomolsk turǵyny jeksenbi kúni ormanda salǵan qaqpandaryn tekserýge ketken. Ańshy dúısenbi kúni úıine oralmaǵan soń týystary polıtsııaǵa keldi.
Polıtseıler men qutqarýshylar jaqyn jerdegi ormandardy tekserip shyqty. Olar Bochın kentine taıaý jerden óli aıýdy tapty. Oǵan oq tıgen. Al seısenbi kúni sol mańda joǵalǵan er adamnyń múrdesi tabyldy.
Er adamnyń denesinde aldyn ala boljam boıynsha, aıý salýy múmkin jaraqattar bar. Al ańshynyń myltyǵy qasynda jatqan.
