Aıý etinen býrger: Slovakııa qońyr aıý etin satýǵa ruqsat berdi
ASTANA.KAZINFORM — Eýroodaqta qorǵalatyn qońyr aıýdyń eti endi Slovakııada tutynýǵa shyǵarylýy múmkin, dep habarlaıdy Kazinform tilshisi.
Ótken aıda Slovakııanyń mınıstrler kabıneti adam ólimine ákelgen jaǵdaıǵa baılanysty eldegi 1300 qońyr aıýdyń tórtten birin joıý josparyn maquldady.
Alaıda, memleket sanktsııalaǵan bul tyıymdy tabıǵatty qorǵaýshylar men oppozıtsııalyq saıasatkerler, sonyń ishinde Eýroparlament synǵa aldy.
Qońyr aıýdy Halyqaralyq tabıǵatty qorǵaý odaǵy EO-da «joıylyp ketý aldynda turǵan janýarlar» tizimine engizgen. Al, Slovakııa úkimeti osy aptada soıylǵan aıýlardyń etin ysyrap qylmas úshin halyqqa satylatynyn jarııalady.
Kelesi aptadan bastap Slovakııanyń Qorshaǵan ortany qorǵaý mınıstrligine qarasty uıymdar barlyq zańdy jáne gıgıenalyq talaptar saqtalǵan jaǵdaıda etti satýǵa shyǵara alady.
Slovakııada aıý men adam qaqtyǵysy, sonyń ishinde ólimmen aıaqtalatyn oqıǵalar kóbeıgennen keıin aıýlar saıası máselege aınaldy. Slovakııa Eýropadaǵy shabýyldar sany boıynsha Rýmynııadan keıingi ekinshi orynda tur, onda shamamen 13 000 qońyr aıý bar. Elde 2000-2020 jyldar aralyǵynda barlyǵy 54 aıý shabýyly tirkeldi. Sondaı-aq shabýyldardyń ortasha sany jylyna shamamen 10-ǵa deıin ósti.
— Biz adamdar ormanǵa barýdan qorqatyn elde ómir súre almaımyz, — dedi eldiń premer-mınıstri Robert Fıko
Sonymen qatar, Eýropalyq Odaqtyń azyq-túlik qaýipsizdigi erejeleri barlyq aıý etiniń satylmas buryn trıhınella dernásiline tekserilýin talap etedi. Muzdatý, ystaý nemese keptirý aıý etin zararsyzdandyrmaıdy.
Buǵan deıin Kólsaı aýmaǵynda Tıan-Shan qońyr aıýy beınetuzaqqa túsip qalǵanyn jazǵan edik.