Aıý tabanynyń kontrabandasy úshin eki reseılik Qytaıda 5 jylǵa sottaldy
ASTANA. QazAqparat - Eki reseılik aıý tabanynyń kontrabandasy úshin 22 shildede shyqqan Hýlýn-Býır (Іshki Mońǵolııa avtonomdy ólkesi, soltústik Qytaı) qalalyq okrýgy sotynyń sheshimimen 5 jylǵa bas bostandyǵynan aıyryldy.
Bul týraly "Sınhýa" agenttigi habarlady.
RF azamattarynyń qytaılyq sybaılastarynyń jazasy aýyrlaý boldy. Olar 6 jyl jeti aıǵa sottaldy, sondaı-aq 300 myń ıýan ($48 myń) aıyppul tóleıdi.
Qylmyskerler ótken jyly maýsym aıynda shekara mańyndaǵy Manchjýrııa qalasynda avtomobıl dońǵalaǵyna jasyrylǵan 213 aıý tabanyn Reseıden alyp shyqpaq bolǵan kezinde QHR kedenshileriniń qolyna tústi.
Qytaı kedenshileriniń aqparatynsha, QHR qara naryǵyndaǵy bir keli aıý tabanynyń quny 8 myń ıýanǵa (shamamen $1,3 myń) jetýi múmkin.
Bul elde jabaıy ańdardy qorǵaý týraly zańnama boıynsha tabandardy satýǵa tyıym salynǵan.
