Aıý salǵan sýretterdiń árqaısysy 300 eýrodan satylyp jatyr
ASTANA. QazAqparat - Fınlıandııada isi órge domalaǵan sýretshilerdiń biri Kýýsamı qalasyndaǵy haıýanattar baǵynda mekendeıtin ıÝýso aıýy bolyp shyqty. Onyń salmaǵy jarty tonnaǵa jýyq jáne ol qymbat sýretter salady, dep habarlady Huffington Post.
Tómende kórsetilgen vıdeoda onyń sýret salýy kórsetilgen. Zoobaq qyzmetkerleri oǵan tıisti jaraqtardy ákeledi. Aıý aıaǵyn boıaýǵa malyp, sýret salady.
ıÝýso eńbekteri onyń arnaıy saıtyna jarııalanady. Osy jerden ony satyp alýǵa bolady. Árbiriniń quny 300 eýro sonymen qatar poshta arqyly jetkizý úshin tólem tóleý qajet. Sýrettiń túpnusqa ekenin rastaıtyn sertıfıkat beriledi.
Sýretterdi satýdan alynǵan aqshany zoobaq qyzmetkerleri aıý basseınine arnalǵan sý nasostaryn jáne janýarǵa qajetti ózge de zattardy satyp alýǵa jumsaıdy. Qazirgi tańda ıÝýso salǵan 13 sýrettiń altaýy satyldy.
