Aıý kólikti aıdap ketip, jol apatyna tústi
ASTANA. QazAqparat - Amerıkanyń Kolorado shtaty Dýrango qalasynda aıý jer úıdiń janynda turǵan kólikke minip alyp, jol ústine shyǵyp ketti, dep habarlaıdy Lenta.rý.
Haıýan jol talǵamaıtyn kóliktiń rýlin syndyryp, radıoqabyldaǵyshty isten shyǵarǵan, artqy terezeniń shynysyn shaqqan. Shýǵa oıanyp ketken kórshiler polıtsııa shaqyrǵan, biraq tártip saqshylary kelgenshen aıý qashyp úlgerdi.
Boljam boıynsha, janýar kólikti qol tejegishinen kezdeısoq shyǵaryp alǵan. Budan keıin mashına jol ústine syrǵyp túsip, poshta jáshigine baryp soǵylǵan.
Eske salaıyq, shilde aıynda aıý Dýrango qalasyndaǵy okrýgtik túrmege enip ketkendigi habarlanǵan bolatyn. Sherıftiń kómekshileri ony qýyp shyqpaq bolǵan, alaıda, aıý aǵashqa órmelep shyǵyp, túspeı qoıǵan. Keıinirek, ol túrmeden alys emes jerdegi qyrattarǵa óz jónimen ketken.
