Aıý qaıyń shyrynyn jınaǵan eki áıelge bas saldy
ASTANA. QazAqparat - Amýr oblysyndaǵy Tynda qalasynyń turǵyny aıýdyń qurbany bola jazdady. Qazirgi kezde ol aýrýhananyń jansaqtaý bóliminde jatyr.
Bul týraly «Port Amýr» AA habarlady.
Aıý ormanda qaıyń shyrynyn jınaǵan eki áıelge shabýyl jasaǵan. Ol áýeli ózine úrip jatqan ıtke bas salyp, odan keıin áıelderdiń birine qaraı tura umtylǵan. Qashyp úlgergen ekinshisi qutqarý qyzmetin shaqyra aldy.
Oqıǵa ornyna kelgen mılıtsııa, TJM qyzmetkerleri men janýarlar álemin qorǵaý mamany jabaıy jyrtqyshtyń áıeldi jerge kómip jatqanyn kórdi. Janýarlar álemin qorǵaý ókili aıýdy atyp óltirdi.
