Aıý, arystan jáne jolbarys 15 jyl tatý-tátti birge turyp jatyr
ASTANA. QazAqparat - Amerıkanyń Djordjııa shtatynda «Nuq kemesi» janýarlar úıinde úsh alyp jyrtqysh - aıý, jolbarys, arystannyń birge turyp jatqandaryna 15 jyl boldy.
15 jyldaı buryn alan, shónjik jáne qonjyqty polıtsııa arnaıy jasaǵy reıd júrgizý barysynda narkobaronnyń úıiniń jertólesinen tapqan bolatyn. Ol kezde olardyń jastary birge de tolmaǵan, ári kútimsizdikten álsirep qalǵan edi. Úsheýinen de parazıtter tabyldy. Mamandar olardy bosatyp jiberse ólip qalady dep sanady.
Sodan beri úsh jyrtqysh BLT (bear, lion, tiger) janýarlar úıinde bir-birinen ajyraǵan emes. Tek bir márte aıýǵa ota jasalǵan kezde ekeýi ǵana qaldy.
Olardyń attary da qyzyq, mýltfılmnen tańdalǵan. Amerıkalyq qara aıýdyń aty - Balý, afrıkalyq arystan - Leo. Bengal jolbarysynyń aty - Sherhan. Olar qazir ajyramas dostyqtyń úlgisindeı, shat-shadyman tirshilik keshýde.
Olardyń bir-birimen qarym-qatynasy erekshe. Ádette mundaı jyrtqysh ańdar bir-birimen til tabysa almaıdy. Alaıda 15 jyl ishinde bul úsheýdiń bir-birine meıirim ǵana baıqalady.
Janýarlar úıinde jyrtqyshtardyń minez-qulqy kishkentaı kezinen bastap osy ýaqytqa deıin múldem ózgermegen. Mysaly, Sherhan o bastan tentek, sholjań boldy. Áli kúnge solaı.
«Úsheýi birge tynyǵady, birge tamaqtanady, oınaıdy. Olardyń bulaı jaqyn qarym-qatynasyna ótken kezeńde birge keshken aýyr sátteri sebep bolǵan shyǵar», dep jazady The Telegraph basylymy.
