Aıtysker aqyndardyń reıtıngi shyqty
ASTANA. QazAqparat - Aitysker.com saıty aıtysker aqyndardyń 2015 jylǵy reıtıngin jarııalady.
Saıtta habarlanǵandaı, aıtyskerlerdiń deńgeıin anyqtaý nátıjeleri bylaısha esepteledi:
Bas júldege - 100 upaı, 1 orynǵa - 75 upaı, 2 orynǵa - 50 upaı, 3 orynǵa - 25 upaı. Aıtysqa qatysqany úshin 5 upaı, aqtyq synǵa shyqqan aqynǵa 10 upaı beriledi. Al «Altyn dombyra» ıegerine 100 upaı beriledi. Aıtyskerler ár aıtystan joǵaryda kórsetilgen upaılardyń bir túrin ǵana ıemdene alady. ıAǵnı, aqyn júldege ıe bolǵanda júldeli orynǵa belgilengen upaıdy ǵana alady. Bundaı jaǵdaıda aqynnyń esebine aqtyq synǵa ótkeni úshin nemese qatysqany úshin beriletin upaılar qosylmaıdy. Búginde upaı esepteýdiń júıesi naqty bekitilip, aıtyskerlerdiń reıtıngisi túzilip otyr. Ony daıyndaýda bıylǵy jyly ótken 14 respýblıkalyq aıtystyń nátıjeleri esepke alyndy. Olar: 14 naýryzda Kókshetaýda ótken «Birlik pen berekeniń jeruıyǵy», 2 mamyrda Atyraýda ótken «Urpaqqa uran bolǵan uly jeńis», 8 mamyrda Qyzylordada ótken «Uly Jeńis», 30 mamyrda Almatyda ótken «Qulmambettiń qulyny», 4-5 shildede Astanada ótken «Bórili baıraq», 7 tamyzda Qaraýylda ótken «Adamzattyń bárin súı, baýyrym dep», tamyzda Bókeı orda aýdanynda ótken «Tarıhy tereń qazaq eli», 20-21 qyrkúıekte Almatyda ótken «Azattyqtyń altyn besigi», 1 qyrkúıekte Aqtóbede ótken «Babadan qalǵan baıtaǵym», 8-9 qazanda Tarazda ótken «Máńgilik El», 13 qazanda Shıelide ótken M.Shoqaı men N.Bekejanovtyń 125 jyldyǵyna arnalǵan, 21 qazanda Taldyqorǵanda ótken «Sózdiń piri - Súıinbaı», 23 qazanda Qyzylordada ótken aıtystar jáne 5-6 jeltoqsanda Almatyda ótken «Táýelsizdikke taǵzym» taqyrybymen ótken Altyn dombyra aıtysy. Reıtıng aldaǵy ýaqytta osy júıe boıynsha jańaryp turady. ıAǵnı, aqyndardyń qorjyny ár jyr dodasynda alǵan upaılarymen tolyǵyp, kestedegi oryndary da ózgerip otyrady. Sáıkesinshe júldege ilikkender joǵary órlep, súringender tómen syrǵıdy. Osyǵan saı aıtysker aqyndar upaılaryna qaraı 3 topqa bólinedi. Alǵashqy oryndaǵy 20 aqyn Joǵarǵy, odan keıingi 20 aqyn 1-lıgaǵa, kelesi 20 aqyn 2-shi lıgaǵa enedi.
Sondaı-aq, « Aıtyskerler ár aıtystan joǵaryda kórsetilgen upaılardyń bir túrin ǵana ıemdene alady. Mysaly, júldege ıe bolǵan aqynǵa alǵan orynyna sáıkes upaı beriledi. Al aqtyq synǵa ótkeni úshin jáne qatysqany úshin beriletin upaılar oǵan qosylmaıdy», - dep eskertý berilgen. Kestege sáıkes, toptyń basynda bıylǵy Altyn dombyrany qanjyǵasyna baılaǵan pavlodarlyq aqyn Aspanbek Shuǵataev tur. Úzdik úshtikke Bolatbek Orazbaev pen Aıbek Qalıev kirgen. Aqyndardyń jyl boıǵy kórsetken nátıjelerine sáıkes ári qaraı tizim jalǵasa beredi.
Saıttyń jazýynsha, bul bastama birinshiden, aıtyskerlerdiń arasynda básekeni arttyrýǵa yqpal etpek. Ekinshiden, aıtyskerlerdiń ózin ózi damytýy, izdenýi, talantyn ushtaı túsýi talap etiledi. Shynaıy shyǵarmashylyq báseke bolǵan jerde ǵana damý bolatyny barshaǵa málim.Úshinshiden, aıtystyń zamanǵa saı júıelenýine sebep bolmaq. Ol degenimiz tól ónerimizdiń ómirsheńdigin arttyra túsý degen sóz. Álemdegi barlyq óner, sport túrlerinde shyn myqtylar osy tektes júıeler arqyly anyqtalatynyn kóziqaraqty jurt jaqsy biledi. Boks, tennıs, fýtbol sporttarynyń qaısysyn alsaq ta ár báseke saıyn sportshylardyń reıtıngisi jańaryp turady. Bul sáıkesinshe shyn myqtylardyń básekede shyńdalyp, ataq pen dańqqa bólenýine sebep bolýda. Reıtıng anyqtaý da sol maqsattan týyndap otyr.
Tórtinshiden, bul júıe aıtyskerlerdi jyr dodalaryna irikteýge, osy arqyly ónersúıer qaýymnyń suranysyna saı keletin, joǵary deńgeıdegi aıtystardy uıymdastyrýǵa sep bolmaq.
«Jyl boıǵy aıtystardyń qorytyndysy syndy «Altyn dombyra» festıvaline qatysýshalar respýblıkalyq aıtystarda darynymen top jaryp, «júzden júırik shyqqan» alǵashqy 20-lyqtyń, Joǵarǵy lıganyń arasynan tańdalatyn bolady. ıAǵnı, úlken dodalarǵa tańdaý, irikteý ádil túrde iske asyrylady. Reıtıng aitysker.com jáne zhebe.com saıttarynda turaqty túrde jarııalanyp, únemi qalyń jurtshylyqtyń kóz aldynda bolady.
Osynaý bastamany qolǵa alýdaǵy basty maqsat - tól ónerimiz ıÝNESKO qorǵaýyndaǵy beımaterıaldyq mádenı muralar tizimine alynǵan tusta ony zamanǵa saı damytýǵa, júıelendirýge serpin berý. Kóneden kele jatqan, halqymyzdyń mádenı ómirine ár berip qana qoımaı, áleýmettiń kókeıkesti máselelerin jetkize jyrlaıtyn erekshe ónerin urpaqtan urpaqqa joǵaltpaı jetkizý», - dep jazylǵan habarlamada.
