Aıtysker aqyn Esenqul Jaqypbekov dúnıeden ozdy
ASTANA. 14 qarasha. QazAqparat - Qazaqstan Jazýshylar odaǵynyń múshesi, Prezıdent stıpendııasynyń laýreaty,
«Eńbektegi erligi úshin» medaliniń ıegeri, tanymal aqyn Esenqul Jaqypbek alpys jasqa qaraǵan shaǵynda dúnıeden ozdy.
Ol 1954 jyly Almaty oblysy Jambyl aýdanyndaǵy Birlik aýylynda dúnıege kelgen. 1990 jyly QazMÝ-di bitirgen. Sýyryp salma darynymen tanylǵan aıtysker. Alǵashqy ólenderi 1984 jyly "Jalyn" baspasynan shyqqan "Qarlyǵash" atty jınaqqa endi.
«Bastaý», «Biz ekeýmiz», «Aǵymnan jarylamyn», «Jerge tabyn», «Janqıssa», «Esil dúnıe-aı», «Bizdiń eldiń jigitteri», «Bul jaz da óter», «Jetisý jyrlaıdy», «Sarǵaıǵan sary tereze», «Taý basynda kári qar», «Tazqara qustyń taǵdyry» syndy onnan asa kitaptary oqyrman júreginen jol tapqan. Eki júzge jýyq óleńderine án jazyldy. «Qara kúz», «Aldaı-aý», «Juldyzdar bárin boljaıdy», «Tumandy tún» sııaqty jıyrmaǵa jýyq án shyǵarǵan sazgerlik qyry da halyq arasyna keńinen taraǵan. Aıtys alamanynda otyz jyldan astam ýaqyt ter tógip, televızııalyq aıtystyń tuńǵysh jeńimpazy atandy.
