Aıtysker aqyn Aıbek Qalıev depýtat atandy
ASTANA. QazAqparat - Ot aýyzdy, oraq tildi aıtysker aqyn Aıbek Qalıev Arqalyq qalasynyń máslıhat depýtaty atandy. Bul týraly QazAqparatqa aqynnyń ózi habarlady.
Aıta keteıik, 1992 jyldan bastap aıtys ónerine kelgen Aıbek Kıikbaıuly halyqaralyq, respýblıkalyq aıtystardyń birneshe márte jeńimpazy atanǵan.
Aqyn aıtystarynda qoǵamnyń kúrdeli máselelerin sóz etip, tereń, oıly óleńderimen halyqtyń súıispenshiligine bólenip júr. Aıtystaǵy eńbegi eskerilip, 2001 jyly Qazaqstan Respýblıkasy Premer-mınıstriniń Alǵys hatymen marapattaldy. Búgingi tańda aıtysqa baýlyp júrgen shákirtteri de respýblıka jurtshylyǵyna tanylyp qaldy.
