Aıtys taqyrybyndaǵy tórt kitaptyń tusaýkeseri ótpek

22 sáýir kúni QR Bilim jáne ǵylym mınıstrliginiń qoldaýymen Astana qalasyndaǵy Ulttyq akademııalyq kitaphanada L.N.Gýmılev atyndaǵy Eýrazııa ulttyq ýnıversıtetiniń Qazaq ádebıeti kafedrasynyń birneshe kitabynyń tusaýkeseri ótedi, dep habarlaıdy kazaitys.kz.

Atap aıtqanda, «Qazirgi aıtystyń ıntegratsııalyq sıpaty» ǵylymı jobasy boıynsha jınaqtalǵan «Aıtystaný» atty ǵylymı eńbektiń, fılologııa ǵylymdarynyń doktory, professor Amanjol Áltaıdyń «Aqyn-jyraýlar poezııasy» ǵylymı eńbeginiń, «Amanjol-Sara» aıtystar jınaǵy jáne fılologııa ǵylymdarynyń kandıdaty, dotsent Serikzat Dúısenǵazynyń «Qarashyǵymda kóshken bult» atty jyr jınaqtarynyń tusaýy kesilmek. Aıta keteıik, atalmysh shara saǵat 11.00-de bastalady.