Aıtys óneri ıÝNESKO tizimine engizildi

ASTANA. QazAqparat - Keshe Vındhýk qalasynda (Namıbııa) ótip jatqan ıÝNESKO-nyń materıaldyq emes mádenı murany qorǵaý jónindegi Úkimetaralyq komıtetiniń sessııasy barysynda Qazaqstan men Qyrǵyzstan birlesip joldaǵan «Aıtys - ımprovızatsııa óneri» atty nomınatsııasy Adamzattyń materıaldyq emes mádenı murasynyń kórneki tizimine engizildi.

Bul týraly QR Mádenıet jáne sport mınıstrliginiń baspasóz qyzmeti habarlady.

Bul sharaǵa Qazaqstan Respýblıkasynyń ıÝNESKO jáne ISESKO isteri jónindegi Ulttyq komıssııanyń ókilderi jáne Mádenıet jáne sport mınıstrliginiń qoldaýymen elimizge belgili aıtyskerler B. Imashev pen A.Tursynbaeva qatysýda. Aıtyskerlerdiń sessııanyń otyrysynda aıtys óneriniń tanystyrylymyn kórsetýi josparlanǵan.

Eske sala ketsek, Komıssııanyń byltyrǵy otyrysynda elimizden ıÝNESKO tizimine «Qazaqtyń dástúrli dombyra kúı óneri» jáne Qyrǵyzstanmen birlesip usynǵan «Kıiz úıdi jasaýdyń dástúrli bilimderi men daǵdylary» atty nomınatsııalar engen bolatyn.