Aıtqurman Omarbekov Qorǵanys mınıstriniń birinshi orynbasary bolyp taǵaıyndaldy
ASTANA. KAZINFORM – Aıtqurman Omarbekov Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy bolyp taǵaıyndaldy. Bul týraly Aqorda habarlady.
– Memleket basshysynyń ókimimen Aıtqurman Jolamanuly Omarbekov Qazaqstan Respýblıkasy Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy bolyp taǵaıyndaldy, ol burynǵy atqarǵan laýazymynan bosatyldy, - delingen habarlamada.
Týǵan jeri jáne jyly:
1977 jyl, Abaı oblysy.
Bilimi:
Reseı Federatsııa Qorǵanys mınıstrliginiń Áskerı ýnıversıteti, mamandyǵy «Moraldyq-psıhologııalyq qamtamasyz etýdi uıymdastyrý»;
Eýrazııa gýmanıtarlyq ınstıtýty, mamandyǵy «ıÝrısprýdentsııa».
Otbasylyq jaǵdaıy:
Úılengen, tórt bala tárbıelep otyr.
Mansap
1997-2014 jj. Qazaqstan Respýblıkasy Respýblıkalyq ulanyndaǵy qyzmet.
2014–2022 jj. Qazaqstan Respýblıkasy Memlekettik kúzet qyzmetiniń kadrynda ártúrli ofıtserlik jáne basshy laýazymdardaǵy qyzmet.
2022 jylǵy qańtarda QR Prezıdentiniń Ókimimen Qazaqstan Respýblıkasy Memlekettik kúzet qyzmeti bastyǵynyń orynbasary – Aıryqsha maqsattaǵy kúshter qolbasshysynyń mindetin atqarýshy bolyp taǵaıyndaldy.
2022 jylǵy aqpanda QR Prezıdentiniń Ókimimen Qazaqstan Respýblıkasy Memlekettik kúzet qyzmeti bastyǵynyń orynbasary – Aıryqsha maqsattaǵy kúshter Qolbasshysy bolyp taǵaıyndaldy.
Memleket basshysynyń 2022 jylǵy 22 qazandaǵy №1057 Jarlyǵymen "Qazaqstan Respýblıkasy Memlekettik kúzet qyzmetiniń general-maıory" arnaýly ataǵy berildi.
ІІ dárejeli «Aıbyn» ordenimen, ІІ, ІІІ dárejeli «Minsiz qyzmeti úshin», ІІІ dárejeli «Elbasynyń qaýipsizdigin aıbyndy atqarǵany úshin» medaldarymen, sondaı-aq «Qazaqstan Respýblıkasy Memlekettik kúzet qyzmetine 25 jyl», «Qazaqstan Táýelsizdigine 30 jyl» mereıtoılyq medaldarymen marapattalǵan.
