Aıt namazy elordada 17 shilde kúni tańǵy saǵat 06.30-da oqylady
ASTANA. QazAqparat - Aıt namyzy elordada 17 shilde kúni tańǵy saǵat 06.30-da oqylady. Bul týraly búgin Qazaqstan musylmandary dinı basqarmasynyń Naıb múftıi, «Nur Astana» ortalyq meshitiniń bas ımamy Naýryzbaı qajy Taǵanuly málim etti.
«Bıyl qasıetti Ramazan aıy maýsymnyń 18-i kúni bastalyp, shilde aıynyń 17-ine deıin jalǵasady. Bıyl Oraza 29 kúnge jalǵasady. 29 kún oraza ustap, otyzynshy kúni Aıt namazy oqylady. ıAǵnı, shildeniń 17-kúni oraza aıt bastalady», - dedi ol.
Naýryzbaı qajy Taǵanulynyń atap ótýinshe, Aıt namazy elordada 17 shilde kúni tańǵy saǵat 06.30-da oqylady. Degenmen, Aıt namazynyń ýaqyty elimizdiń ár aımaǵynda ár túrli bolyp belgilenip otyr.
«Bul jerde eskere ketetin jaıt, Astana qalasy boıynsha Aıt namazynyń ýaqyty 06.30. Elimizdiń basqa óńirlerinde ımamdardyń belgilegen ýaqyttarynda oqylatyn bolady», - dedi Nur Astana» ortalyq meshitiniń bas ımamy.
