Aıt kúnderi ımandylyq pen adamgershilik qundylyqtary qatar dáripteledi - Máýlen Áshimbaev

ASTANA. QazAqparat – Búgin qazaqstandyqtardy Oraza aıt merekesimen QR Parlamenti Senatynyń tóraǵasy Máýlen Áshimbaev ta quttyqtady, dep habarlaıdy QazAqparat tóraǵanyń Facebook paraqshasyna silteme jasap.

Qurmetti dostar!

Barshańyzdy Oraza aıt merekesimen shyn júrekten quttyqtaımyn!

Halqymyz bul meıramdy qashanda erekshe yqylaspen atap ótedi. Osy kúnderi bir-birine jaqsylyq jasaýǵa asyǵyp, qýanyshty kúıge bólenedi. Sondyqtan aıt kúnderi ımandylyq pen adamgershilik qundylyqtary qatar dáripteledi deýge tolyq negiz bar.

Ramazan – musylman qaýymy úshin rýhanı tazarý kezeni. Osy aıda mol saýaptan úmit etip, oraza tutqan jandarǵa nıetterińiz ben duǵalaryńyz qabyl bolsyn deımin. Ulyq meıram ár shańyraqqa shattyq pen baq-bereke ákelsin. Elimiz aman, jurtymyz tynysh bolsyn.

Aıttan aıtqa aman-esen jete bereıik!

Osyǵan deıin qazaqstandyqtardy Oraza aıt merekesimen Memleket basshysy Qasym-Jomart Toqaev quttyqtady.