Aıt kúnderi aýa raıy qandaı bolady
ASTANA. QazAqparat - Atmosferalyq aǵyndardyń ótýine baılanysty respýblıkanyń basym bóliginde jańbyr jaýyp, naızaǵaı oınaıdy. Eldiń soltústigindegi birqatar aımaqtarda qatty, ekpindi jel soǵyp, daýyl kóteriledi. Burshaq jaýýy da yqtımal. Ońtústikte shańdy daýyl kútiledi, dep habarlaıdy QazAqparat.
Qazgıdromettiń málimetinshe, Soltústik Qazaqstan oblysynda jeldiń jyldamdyǵy sekýndyna 15-20 metrge, keı jerlerde 23-28 metrge deıin kúsheıedi. Keı jerlerde daýyl turyp, túnde jáne tańerteń tuman túsýi yqtımal. Kúndiz keı jerlerde burshaq jaýady dep kútilýde.
Qaraǵandy oblysynda jyldamdyǵy sekýndyna 15-20 metrge, keı jerlerde 23-28 metrge jetetin jel soǵýy múmkin. Kúndiz birqatar aımaqtarda burshaq túsýi yqtımal.
Aqmola, Pavlodar, Shyǵys Qazaqstan oblystarynda keı jerlerde jeldiń jyldamdyǵy 15-25 metr aınalasynda bolady. Daýyl turyp, tuman túsedi. Kúndiz burshaq jaýýy yqtımal.
Qostanaı oblysynyń keı jerlerinde jyldamdyǵy sekýndyna 15-20 metrge baratyn jel soǵady. Keı jerlerde túnde jáne kúndiz tuman túsýi múmkin.
Almaty oblysynyń birqatar aımaqtarynda jyldamdyǵy sekýndyna 17-22 metrge jetetin shańdy aralas qatty jel soǵady.
Jambyl oblysynyń keı jerlerinde jeldiń jyldamdyǵy sekýndyna 15-20 metrge údeıdi. Túnde jeldiń jyldamdyǵy 23 metrge deıin kúsheıedi. Sondaı-aq, daýyl turýy yqtımal.
Qyzylorda, Túrkistan oblystarynda, Jambyl oblysynyń birqatar aımaqtarynda, sondaı-aq, Aqtóbe, Atyraý, Mańǵystaý, Qostanaı, Qaraǵandy oblystarynda joǵary órt qaýpi saqtalady.
