Aısulý Imanbekovanyń «Bozjaınaq» dep atalatyn kitaby jaryq kórdi
ALMATY. 7 maýsym. QazAqparat /Erlik Erjanuly/ - Almatyda «Erke-Nur» - Sharapat» qoǵamdyq qorynyń demeýshiligimen telejýrnalıst Aısulý Imanbekovanyń «Bozjaınaq» degen kitaby jaryq kórdi.
Oǵan avtordyń buryn jarııalanbaǵan áńgimeleri men kósemsózderi, baspasóz betinde jaryq kórgen suhbattary, ázil-syqaqtar, sonymen qatar aǵaıyn-týys, qurby-qurdas, áriptesteriniń estelik, esseleri engizilgen. Jınaqtyń tusaýkeser rásimi 11 maýsym kúni ótedi dep josparlanýda.
Aısulý Imanbekova Qazaq teledıdarynda, satıralyq «Ara» jýrnalynda eńbek etti. 2006 jyly «Erke-Nur» sán teatrynyń atqarýshy dırektory bolyp taǵaıyndaldy. Al 2007 jyly qyz-kelinshekterge arnalǵan «Erke-Nur» sán jýrnalynyń shyǵýyna muryndyq bolyp, redaktordyń orynbasary retinde basylymnyń kórkeıýine zor úles qosty.
Aısulý Imanbekova 2010 jyly 25 tamyzda jol- kólik apatynda opat boldy.
