«Aısulý» HK Eýropalyq áıelder hokkeı lıgasynyń qola júldegeri atandy
ASTANA. QazAqparat - Almatylyq «Aısulý» hokkeı klýby áıel komandalary arasynda Eýropalyq hokkeı lıgasynyń qola júldegeri atandy, dep habarlady Almaty qalalyq Dene tárbıesi jáne sport basqarmasy.
Eske salsaq, 27-28 aqpanda Italııanyń Trıesta qalasynda Qurlyqtyq lıganyń sheshýshi matchy ótti. Biliktilik kezeńnen senimdi ótken bizdiń komanda týrnırde jeńiske basty úmitkerlerdiń biri retinde Italııaǵa bardy.
Jartylaı oıynda almatylyq komanda avstrııalyq «Salzburg Eagles» (Zaltsbýrg Iglz) klýbyna toıtarys bere bildi, «Aısulý» buryn olarmen úsh ret kezdesken. Úsheýinde de jeńiske jetken. Olardyń ekeýin 3:1 jáne 4:1 esebimen oısyrata utqan! Alaıda osy joly osy joly kerisinshe 3:2 esebimen utylyp qaldy. Matchta 3-shi orynǵa saıysta «Aısulý» vengrııalyq «KMH Budapest» komandasyn 4:3 esebimen jeńdi.
Eske salsaq, Eýropalyq hokkeı lıgasynyń biliktilik matchtary 2015 jylǵy qazannan bastap 2016 jyly aqpan aralyǵynda ótti. Onda komandamyz óz tobynda ekinshi orynǵa turaqtady, bul olardyń Lıganyń fınaldyq bóliginde jarysqa qatysýyna quqyq berdi.
