Aısultan Seıitov Shanhaı halyqaralyq kınofestıvalinde «Úzdik rejısser» atandy

ASTANA. QazAqparat – Qazaqstandyq rejısser Aısultan Seıitov «QASh» debıýttik fılmi úshin HHV Shanhaı halyqaralyq kınofestıvalinde «Úzdik rejısser» nomınatsııasyn jeńip aldy, dep habarlaıdy QazAqparat.

Kınofestıval baǵdarlamasyna fılmdi Aısultan Seıitov, «Qara Studios» bas prodıýseri Erkebulan Kúrishbaev pen stsenarıı avtory Abylaı Nurmanbetov usyndy. Kartına short-lıstke enip, «Asian New Talent» sanaty boıynsha úsh nomınatsııaǵa ilikken edi:

Best Film – Aisultan Seitov

Best Director – Aisultan Seitov

Best Script Writer – Ablay Nurmanbetov

Júlde statýetkasy men festıvaldegi sýretterin Aısultan Seıitov jelidegi paraqshasynda jarııalady.

«QASh» 1931-1933 jyldardaǵy qazaq dalasyndaǵy jappaı asharshylyq qasiretin eki aǵaıyndynyń basynan ótken oqıǵa arqyly baıandaıdy. Fılmniń túsirilimi 2020 jyly bastalsa, 2022 jyly týyndy Qazaqstanǵa keńinen tarady. Kórermenderdiń ystyq yqylasyna bólenip, qazaqstandyq synshylar tarapynan da birqatar marapatqa ıe boldy. Jaqynda álemdik prokatqa jiberiledi.

Shanhaı kınofestıvali – keń halyqaralyq baǵdarlamasymen áıigili Qytaıdyń eń iri kınofestıvali jáne álemdegi eń bedeldi baıqaýlardyń biri. Shara 18 maýsymǵa deıin jalǵasady.