Aısultan Nazarbaev qyzyna qandaı esim bergenin jarııalady
ASTANA. QazAqparat - Qazaqstan Respýblıkasy Prezıdentiniń jıen nemeresi Aısultan Nazarbaev óziniń Facebook áleýmettik jelisindegi paraqshasynda bir aı buryn dúnıege kelgen qyzynyń esimin jarııalap, atasy - Nursultan Nazarbaevty týǵan kúnimen quttyqtaǵan.
«Dostar, sizderge alǵys aıtqym keledi. Qyzymnyń dúnıege kelýi - biz úshin eń tamasha qýanysh boldy. Maǵan tilek bildire otyryp, ol qýanyshymdy eseleı tústińizder. Kóp adam qyzyma qandaı at qoıǵanymyzdy suraǵan edi. Bizdiń jasyrar qupııamyz joq. Bizdiń sulý qyzymyzdyńı esimi - Amelı Nazarbaeva»,-dep jazǵan A.Nazarbaev.
Sondaı-aq, ol Qazaqstan Respýblıkasynyń Prezıdenti Nursultan Nazarbaevty týǵan kúnimen quttyqtaǵan.
«Búgin biz úshin óte erekshe qýanyshty kún - Qazaqstan Respýblıkasynyń Prezıdenti Nursultan Ábishuly Nazarbaevtyń týǵan kúni. Jasyratyn nesi bar, keýdemdi erekshe qýanysh bıleıdi. Bir jaǵynan bul emotsııany túsindirý ońaı shyǵar - men Prezıdenttiń nemeresimin. Ekinshi jaǵynan men óz elimniń azamatymyn, Qazaqstannyń ulymyn. Ata, Sizdi týǵan kúnińizben quttyqtaımyn!
Sizge zor densaýlyq tileımin. Alla-Taǵala Sizge eń uzaq ómir bersin!» - degen A.Nazarbaev.
