Aısha Ábdimálik U17 álem chempıonatynda kúmis medalǵa ıe boldy
ASTANA. KAZINFORM – Qazaqstan áıelder quramasy Ázerbaıjannyń Baký qalasynda ótip jatqan U17 álem chempıonatynda alǵashqy júldesine ıe boldy.
QR UOK málimetinshe, Aısha Ábdimálik el qorjynyna kúmis medaldi saldy.
Otandasymyz 65 kelige deıingi salmaqtyń fınalynda mońǵolııalyq Arıýnzýl Boldbaatardan jeńilip qaldy.
Sondaı-aq Aıanat Meınambaı 49 kelige deıingi salmaqta qola júlde úshin beldesken edi. Degenmen AQSh ókili Isla Sılvaǵa jol berdi.
Álınur Tóleýǵalı grek-rım kúresinen U17 álem chempıonatynyń qola júldegeri atanǵanyn jazǵan edik.
Dııar Amanáli grek-rım kúresinen U17 álem chempıonatynda altyn medal jeńip aldy.
