Aısamal Sansyzbaeva aýyr atletıkadan álem kýbogynyń jeńimpazy atandy
NUR-SULTAN. QazAqparat - Aısamal Sansyzbaeva aýyr atletıkadan onlaın álem kýbogynyń jeńimpazy atandy, dep habarlaıdy QazAqparat Olympic.kz saıtyna silteme jasap.
Perýdiń Lıma qalasynda Perý aýyr atletıka federatsııasynyń uıymdastyrýymen onlaın álem kýbogy ótip jatyr.
Jarysta qyzdar arasynda 81 keliden joǵary salmaqta qazaqstandyq sportshy úzdik dep tanyldy.
Aısamal Sansyzbaeva qossaıys nátıjesi boıynsha 244 kelini kóterip, Qazaqstan qorjynyna taǵy bir «altyn» saldy. Jastar arasynda alǵashqy jarysqa qatysqan taǵy bir qazaqstandyq Janálı Tuıaqov úshinshi oryndy jeńyp aldy. Ol uldar arasynda 102 keliden joǵary salmaq dárejesinde baq synap, qossaıys nátıjesi boıynsha 319 (140+179) kelini kóterdi.
Osylaısha, Qazaqstan qorjyny taǵy bir altyn, bir qola júldemen tolyqty. Osyǵan deıin Abylaı Áýelhanov pen Rahat Bekbolat altyn alsa, Gúlnur Ybyraı qola júldege qol jetkizgen bolatyn.
