Aınur Tursynbaeva Alakóldiń emdik qasıetin jarnamalady
ASTANA. QazAqparat - Tanymal aıtys aqyny Aınur Tursynbaeva Feısbýktegi paraqshasynda Alakóldiń psorıaz aýrýyna em ekendigin aıtyp, qazaqstandyqtardy jaz aılarynda elimizde demalýǵa shaqyrdy, dep habarlaıdy QazAqparat.
«Meniń bir apam bar. 18 jyl boıy psorıazben aýyrdy. Dáriger, biraq ózin emdeı almady. Únemi qolyn tyǵyp júretin, keıin ol jaralar aıaqqa kóshe bastady. Psorıaz bolǵanda da jaman, irińdep, sý aǵyp turatyn edi. Keıin birneshe jyldan keıin qarasam barlyq jarasy ketip áıbat bolyp qalypty.. «Qaıdan emdeldińiz» degende, «Alakólge bardym» dedi. Birinshi jyly jartylaı, kelesi jyly barǵanda túgel joq bolyp ketken. Osyny estip alǵan men únemi Alakóldi nasıxattap júretin boldym», - dep jazady aıtysker aqyn.
Sonymen qatar ol byltyr Atyraýǵa toıǵa barǵanynda áýejaıda bir kelinshektiń jolyǵyp, Alakól týraly jazbasyn oqyǵannan keıin otbasymen barǵanyn, kúıeýimniń psorıazy túgel ketip qalǵandyǵyn aıtqandyǵyn mysalǵa keltiredi.
«Paıdam tıgenine men de máz bolyp qaldym. Ózim sol mańaıǵa baryp qalsam, tipti sý tastaı bolsa da jýynyp alatyn boldym. Balshyǵynyń ózi qandaı. Terińiz bópenikindeı jup-jumsaq bolyp shyǵa keledi. Bıyl shetelge qańǵymaı Alakólde jatam dep edim, qolym bosamaı qaldy. Arǵy jyly Úrjar jaǵynda bolǵanmyn, servıs tómendeý edi. Tamyz aıynyń alǵashqy aptasynda Alakólge ketsek pa dep biraz qyz jınalyp jatyrmyz. Qaı sanatorııge barýǵa keńes beresizder?», - deıdi Aınur Tursynbaeva.
