Aınur Aqmyrza Abaı oblysy Tabıǵı resýrstar basqarmasynyń basshysy boldy

SEMEI. KAZINFORM - Aqmyrza Aınur Erbolqyzy Abaı oblysynyń Tabıǵı resýrstar jáne tabıǵat paıdalanýdy retteý basqarmasynyń basshysy bolyp taǵaıyndaldy.

Aıta keteıik, Aınur Aqmyrza 1987 jyly 10 jeltoqsanda dúnıege kelgen. 2009 jyly Shyǵys Qazaqstan D.Serikbaev atyndaǵy memlekettik tehnıkalyq ýnıversıtetin «Tirshilik áreketiniń qaýipsizdigi jáne qorshaǵan ortany qorǵaý» mamandyǵy boıynsha bitirgen.

2009-2010 jyldary «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM jastar is-tájirıbesi boıynsha taǵylymdamadan ótýshi, 2011 jyldan 2015 jylǵa deıin «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM-de ártúrli laýazymdarda jumys istedi.

2015-2022 jyldary «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM ekologııalyq retteý bóliminiń basshysy, «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM sý resýrstaryn paıdalanýdy retteý jáne qorǵaý bóliminiń bólim basshysy boldy.

Jańa qyzmetke taǵaıyndalǵanǵa deıin «Abaı oblysynyń Tabıǵı resýrstar jáne tabıǵat paıdalanýdy retteý basqarmasy» MM basqarmasy basshysynyń orynbasary qyzmetin atqardy.