Aınur Ahmetovanyń jaǵdaıy áli de aýyr - QR DSM
ASTANA. 26 tamyz. QazAqparat - Búgin Respýblıkalyq neırohırýrgııa ǵylymı ortalyǵynda telekeńes rejıminde QR Densaýlyq saqtaý vıtse-mınıstri Erık Baıjúnisov, dúnıejúzine tanymal neıroreanımatolog, AQSh-tyń Ońtústik Kalıfornııa ýnıversıtetiniń professory Vladımır Zelman men Qazaqstannyń jetekshi klınıkalary mamandarynyń qatysýymen emdelýshi Aınur Ahmetovanyń jaǵdaıyna qatysty dárigerler konsılıýmy bolyp ótti.
Bul týraly QR Densaýlyq saqtaý mınıstrliginiń baspasóz qyzmeti habarlady.
Dárigerlerdiń baqylaýynyń qorytyndysy boıynsha, A.Ahmetovanyń jaǵdaıy aýyr, aǵzanyń ómir fýnktsııalary tek medıkamentozdy terapııa men ókpeni jasandy jeldetý apparattary arqyly jumys jasaýda. Jaǵdaıdy polıorgandy jetispeýshilikke ákelip otyrǵan eki ókpedegi pnevmonııanyń aýyr túri ýshyqtyryp otyr. Emdeý sharalary jaǵdaıdyń aýyrlyǵyna baılanysty jasalyp jatyr, biraq saýyǵyp ketýge úmit joq.
Konsılıým jumysynyń qorytyndysy boıynsha, belsendi terapııany, ásirese pnevmonııany emdeý sharalaryn kúsheıtý qajettiligi týraly sheshim qabyldandy.
