Aınur Ahmetovany jasandy tynys alý apparatynan ajyratpaı Qazaqstanǵa jetkizetin ushaq AQSh-ta daıyn tur

dep habarlady QR Densaýlyq saqtaý mınıstrliginiń baspasóz qyzmetinen.

Taıaýda QR Densaýlyq saqtaý mınıstrligi AQSh-taǵy klınıkalardyń birinde es-tússiz jatqan qazaqstandyq stýdent Aınur Ahmetovany ushaqpen tasymaldaý máselesin amerıkandyq áriptesterimen talqylaǵannan keıin ony jasandy tynys alý apparatynan ajyratpaı Qazaqstanǵa jetkizý týraly sheshim qabyldady. «Falck TravelCare A/S» kompanııasy A.Ahmetovany tasymaldaý jaýapkershiligin moınyna alyp otyr. Ushaq AQSh-ta ushýǵa tolyǵymen daıyn tur. Es-tússiz jatqan qyz Qazaqstanǵa jetkizilgennen keıin Ulttyq neırohırýrgııa ǵylymı ortalyǵyna jatqyzylady.

QR Syrtqy ister mınıstrligi áýe dálizin ashý máselelerin sheshýde. Tolyq aqparat qazaqstandyq azamat elge jetkizilgennen keıin beriledi.