Aınur Ábdirahmanova eńbek jáne halyqty áleýmettik qorǵaý vıtse-mınıstri boldy
ASTANA. KAZINFORM — QR Úkimetiniń qaýlysymen Aınur Ábdirahmanova eńbek jáne halyqty áleýmettik qorǵaý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlaıdy.
Aınur Ábdiǵaqarqyzy 1984 jyly Aqmola oblysynda dúnıege kelgen. D.A. Qonaev atyndaǵy ýnıversıtetin, Qazaq ekonomıka, qarjy jáne halyqaralyq saýda ýnıversıtetin, Qazaqstan Respýblıkasy Prezıdentiniń janyndaǵy memlekettik basqarý akademııasyn bitirgen.
Eńbek jolyn 2005 jyly Aqmola oblysy Qorǵaljyn aýdandyq jumyspen qamtý jáne áleýmettik baǵdarlamalar bóliminde bastaǵan.
2007–2008 jyldary — Aqmola oblysy Tselınograd aýdany jumyspen qamtý jáne áleýmettik baǵdarlamalar bólimi, áleýmettik normatıvter jáne áleýmettik kómek bóliminiń bas mamany, bastyǵynyń m.a., bastyǵy.
2008–2014 jyldary — QR Eńbek jáne halyqty áleýmettik qorǵaý mınıstrligi Áleýmettik kómek jáne áleýmettik qyzmetter departamenti basqarmasynyń sarapshysy, bas sarapshysy.
2014–2017 jyldary — QR Densaýlyq saqtaý jáne áleýmettik damý mınıstrligi Áleýmettik kómek departamenti áleýmettik qoldaý basqarmasynyń bas sarapshysy.
2017–2020 jyldary — QR Eńbek jáne halyqty áleýmettik qorǵaý mınıstrligi Áleýmettik kómek departamentiniń bas sarapshysy, basqarma basshysy.
2020–2022 jyldary — «Eńbek resýrstaryn damytý ortalyǵy» AQ basqarma basshysy, bas sarapshysy.
2022–2024 jyldary — QR Eńbek jáne halyqty áleýmettik qorǵaý mınıstrligi departamenti dırektorynyń orynbasary.
2024 jyldan bastap qazirgi ýaqytqa deıin QR Eńbek jáne halyqty áleýmettik qorǵaý mınıstrligi Áleýmettik kómek departamentiniń dırektory qyzmetin atqardy.
Eske salsaq, Vıktorııa Shegaı QR eńbek jáne halyqty áleýmettik qorǵaý vıtse-mınıstri qyzmetinen bosatyldy.
Budan buryn Densaýlyq saqtaý vıtse-mınıstri taǵaıyndalǵanyn jazǵanbyz.
