Áınek pen telefon syndyrdy: Astanada kezekti vandaldar ustaldy
ASTANA. KAZINFORM - Elordada qoǵamdyq tártipti buzýshylarmen kúres jalǵasýda. Polıtsııa bireýdiń múlkine zııan keltirgen kezekti vandaldardy jaýapqa tartty, dep habarlaıdy qalalyq ákimdik.
Máselen, 27 shilde kúni tústen keıin 34 jastaǵy er adam polıtsııanyń Beket-5 statsıonarlyq beketiniń ǵımaratynda mas kúıinde áınekti basymen syndyrdy.
Ol osy áreketimen memlekettik múlikti búldirip, 25 mıllıon teńge somasynda zalal keltirdi.
Osyndaı jaǵdaı sol kúni keshke qaraı boldy. 25 jastaǵy qyz qyzmettik avtokóliktiń aldyńǵy áınegin sómkesimen urdy. Zaqym 50 myń teńgege baǵalandy.
Budan bólek, taǵy bir er adam syra barynyń terezesin syndyrdy. Ol osyndaı buzýshylyqty bıyl ekinshi ret qaıtalaǵan. Buǵan deıin ol teris áreketi úshin jazalanǵan.
1 tamyz kúni tańerteń 65 jastaǵy kisi 35 jastaǵy áıeldiń telefonyn syndyrdy. Barlyq buzaqylar ákimshilik jaýapkershilikke tartyldy.
Aıta keteıik, jyl basynan beri Astanada eriktiler, belsendiler, tanymal sportshylar, qala turǵyndary qoldaǵan «Toqta, vandal» aktsııasy aıasynda profılaktıkalyq jumys júrip jatyr.
Aktsııanyń maqsaty – vandalızmniń kez kelgen kórinisin boldyrmaý jáne elordada tazalyq pen tártipti saqtaý.
Jyl basynan beri sot bótenniń múlkin qasaqana búldirgeni, jalpy aýmaqtardy lastaǵany, ǵımarattar men turǵyn úı-jaılardy búldirgeni úshin 145 adamdy jazalaǵan. Olardyń barlyǵy jaýapqa tartyldy.
Vandalızmniń aldyn alý jumystary qalalyq prokýratýra men polıtsııa departamentiniń úılestirýimen júrgiziledi.
